无綫相隔九年推出新一辑《美女厨房》，日前萧正楠、林盛斌(Bob)及高海宁等人主持「美女学徒招募行动」，参与面试的19位美女可谓各有特色，小编就精选其中几位高质靓女出嚟，搵好晒靓相俾大家欣赏！大家至like边个呢？

《美女厨房》大招募

新一辑 《美女厨房》好快有得睇，今辑节目换上萧正楠、阿Bob及张振朗做主持，同时又会招募一班美女学徒，日前举行的「美女学徒招募行动」， 19位美女都盛装出席，各有各的靓，小编就精选其中几位高质靓女出嚟，搵好晒靓相俾大家欣赏！

19号 洛儿(乐宜)

首先介绍一下19号洛儿，主持人阿Bob都大讚佢靓女，节目未出已经觉得佢胜算高！外脱标緻、笑容甜美的洛儿本身係一位夜场DJ，之前亦有客串剧集及于多本杂誌中亮相，IG有成12万粉丝呢！

NNNNNN

11号 Karen Law

11号美女Karen Law(罗堃尉)，本身係一位专业模特儿，亦係为2012年FACE大专校花校草选举冠军，唔少广告都有佢芳蹤！睇番其社交网站，Karen除了有靓样，身材都好有睇头㗎！

1号 Elsie Chan

1号美女Elsie Chan，中文名陈晨，心水清的朋友可能仲记得佢曾经参加去年港姐面试，而近年佢都係专注模特儿工作。

12号Homan Ho

12号参加者Homan Ho，外表斯斯文文几有文青feel，不过原来佢係一位习武之人，仲喺台湾参加武术比赛攞过冠军！

7号 Crystal Law

7号Crystal Law罗芷君，之前接拍过唔少广告，外表靓女又鬼鬼哋！

8号 Haley Chan

8号Haley Chan，原来係2017年香港珠宝小姐！

13号 Yoki Tong

13号Yoki Tong呢日衣着够晒出位，原来佢早两年参加港姐面试，仲要未入围就爆出有人以20万邀请佢出席富豪饭局！